Ekhi eta Iñaki Iparragirren, I. Kanporaketa

Xenpelar Saria I. Kanporaketa Ekhi eta Iñaki Aleman from xenpelar on Vimeo.

Alaia eta Unai Iparragirren, I.kanporaketa

Xenpelar Saria I. Kanporaketa Alaia Martin eta Unai Gaztelumendi from xenpelar on Vimeo.

2. kanporaketako sailkapena

Azaroaren 27an (larunbata) jokatutako kanporaketaren ondorioz, Agin Rezola eta Julio Soto sailkatu dira XX. Xenpelar Sariko finalerako.
Hauek izan dira puntuazioak:

1.	Agin Rezola	229
2.	Julio Soto	225
3.	Ane Labaka	224
4.	Patxi Iriart	207,5
5.	Saioa Alkaiza	201
6.	Izar Mendiguren	192,5

1. kanporaketako sailkapena

Azaroaren 26an (ostirala) jokatutako kanporaketaren ondorioz, Alaia Martin eta Aitzol Barandiaran sailkatu dira XX. Xenpelar Sariko finalerako.
Hauek izan ziren puntuazioak:

1.	Alaia Martin	226
2.	Aitzol Barandiaran	218,5
3.	Unai Gaztelumendi	217
4.	Oier Aizpurua	209,5
5.	Iñaki Aleman	207,5
6.	Ekhi Erremundegi	195,5

2. kanporaketako protagonistak

Bigarren kanporaketa azaroaren 27an izango da, arratsaldeko 20:00etan Xenpelar Etxean. 

Hauek dira kantatuko duten sei bertsolariak:

    Agin Rezola

    Ane Labaka

    Izar Mendiguren

    Julio Soto

    Patxi Iriart

    Saioa Alkaiza

Gai-jartzailea:

    Kepa Isasi

1. kanporaketako protagonistak

Lehenengo kanporaketa azaroaren 26an izango da, arratsaldeko 20:00etan Xenpelar Etxean. 

Hauek dira kantatuko duten sei bertsolariak:

 

    Aitzol Barandiaran

    Alaia Martin

    Ekhi Erremundegi

    Iñaki Aleman

    Oier Aizpurua

    Unai Gaztelumendi

Gai-jartzailea:

    Mikel Lersundi

Oarsoaldeko Hitzan Xenpelarri buruz

Xenpelar Saria indartsu etorriko da ostiralean

Indartsu etorriko da aurten Xenpelar Bertso Eskolak antolatutako Bertsolari Gazteen XX. Xenpelar Saria. Gazteak, baina maila oneko bertsolariak aurki daitezke aurtengo kartelean. Esate baterako, Julio Soto egungo Nafarroako Txapelduna, Jone Uria edo Alaia Martin. Hain zuzen, hiru horiek izango dira txapela janzteko hautagai nagusiak.

Horretarako, baina, lehenik eta behin kanporaketak gainditu beharko dituzte. Lehena, hain zuzen, ostiralean (hilak 26) jokatuko dute. Bertan, honako bertsolariak ariko dira: Alaia Martin; Aitzol Barandiaran; Oier Aizpurua; Iñaki Aleman; Unai Gaztelumendi eta Ekhi Erremundegi.

Bigarrena, berriz, hurrengo egunean (hilak 27) izango da. Bertan Julio Soto; Agin Rezola; Patxi Iriart; Saioa Alkaiza; Izar Mendiguren eta Ane Labaka ariko dira nor baino nor.

Azken kanporaketa abenduaren 3an izango da. Jone Uria; Odei Barroso; Arrate Illaro; Haritz Casabal; Manu Goiogana eta Asier Azpiroz izango dira parte hartuko duten bertsolariak.

Bi bertsolari, aurrera

Kanporaketa bakoitzetik bi bertsolarik egingo dute aurrera, eta horiek final handira pasatuko dira zuzenean. Abenduaren 8an izango da, Errenteria Hiria Kulturgunean, 18:00etik aurrera. Egun hori Xenpelar bera hil zen eguna da, eta haren omenez jarri dute orduan finala.

Kanporaketa guztiak, berriz, Xenpelar Etxean jokatuko dira, 20:00etan hasita. Gainera, horietara joateko ez da ezer ere ordaindu beharko; dohainik izango dira. Hori bai, final handirako sarrerak erosi beharko dira, baina prezio eskuragarria jarri nahi izan dute antolatzaileek: 16 urtetik gorakoek 3 euro ordaindu beharko dute sarrerarengatik, eta hamasei urtetik beherakoek euro bat.

Gazteen erakusleiho

Aurten hogei urte bete ditu Xenpelar Sariak, eta bera da bertsolari gazteen erakusleiho garrantzitsuena; alegia, handik bertsolari handiak atera dira. Ikusi besterik ez dago txapeldunen zerrenda: Iñaki Murua; Xabier Euzkitze, Jon Sarasua; Jon Maia; Uxue Alberdi; Angel Mari Peñagarikano… Hain zuzen, azken horri omenaldia egiteko asmoa daukate aurten antolatzaileek, eta finalean bera ariko da sariak banatzen. Bertsoren bat ere botako du Peñagarikanok, ikusleei hutsik egin gabe.

Urtez urteko Xenpelar Sariak eta irabazleak

Urtea	Edizioa	Irabazlea	Non jokatu zen
1971	1.	Juan Mari Narbaiza	On-Bide Zineman
1979	2.	Iñaki Murua	Alameda Zineman
1980	3.	Anjel Mari Peñagarikano	On-Bide Zineman
1981	---	Sariketarik ez zen antolatu	Jaialdia bertsolari gazteekin
1982	---	Sariketarik ez zen antolatu	Jaialdia bertsolari gazteekin
1983	4.	Xabier Perez Euzkitze	Alameda Zineman
1984	5.	Xabier Perez Euzkitze	Alameda Zineman
1985	6.	Jon Sarasua	Reinan
1986	7.	Jokin Sorozaba	Reinan
1987	8.	Xabier Narbarte	Reinan
1989	9.	Jon  Maia	Gaztedin
1990	10.	Jon  Maia	Gaztedin
1992	11.	Jexux Mari Irazu	1992ko otsailean
1992	12.	Jexux Mari Irazu	Alameda Zineman
1994	13.	Ainhoa Agirreazaldegi	On-Bide Zineman
1996	14.	Nahikari Gabilondo	On-Bide Zineman
1998	15.	Amaia Agirre	Errenteria Hiria Kulturgunean
2000	16.	Nerea Elustondo	Errenteria Hiria Kulturgunean
2002	17.	Miren Artetxe	Errenteria Hiria Kulturgunean
2004	18.	Iñaki Apalategi	Errenteria Hiria Kulturgunean
2006	19.	Uxue Alberdi	Errenteria Hiria Kulturgunean
2008	---	Sariketarik ez zen antolatu	Jaialdi berezia

Historia pixka bat

Bertsolari gazteen Xenpelar Saria, 1971n sortu zen, herriko euskaltzale eta bertsozale batzuen ekimenez. Zortzi urteko etenaldi baten ondoren, Ereintza Elkartearen ardurapean berreskuratu zen. Geroztik, hasieran urtero egiten bazen ere, azken urteotan bi urtez behin antolatzen da, urte pareetan zehazki (...1996, 1998, 2000, 2002, 2004, 2006). 2008koan, salbuespen gisa, ez zen lehiaketarik antolatu; jaialdi berezia egin zen.

Sorreratik, bertsolari gazteentzat erreferentzia garrantzitsua izan da Xenpelar Saria; gaur egun ere, lehiaketa garrantzitsua izaten jarraitzen du. Ikusi besterik ez dago irabazleen zerrenda. Lurralde guztietako bertsolariek parte hartzen dute.

Azkeneko ekitaldia, 2006ko abenduan jokatu zen. Antolatzaile Ereintza Elkartea izanizen eta Xenpelar Bertso Eskolaren laguntza jaso zuen, azken urteotan ohikoa izan den bezala.

Aurtengoan, XX. Xenpelar Sari honetan, Ereintza Elkartea eta Xenpelar Bertso Eskola dira antolatzaileak, maila berdinean eta 3 kanporaketa jokatuko dira (azaroaren 26an, azaroaren 27an eta abenduaren 3an), Xenpelar Etxean.

Finala, txapelaren bila, abenduaren 8an Errenteria Hiria Kulturgunean jokatuko da. Aipatu beharra dago finala Xenpelar hildako egun berean jokatzen dela. Juan Frantzisko Petriarena Berrondo, Xenpelar handia, 1835ean Errenterian jaio eta 1869ko abenduaren 8an hil zen. Aurtengoan, beraz, 141 urte beteko dira Xenpelar hil zenetik.

Badator XX. Xenpelar Saria

XX. Xenpelar Saria Errenteria-Oreretan jokatuko da 2010eko azaroan eta abenduan. Aurten sei bertsolariko hiru kanporaketa jokatuko dira azaroaren 26an (ostirala) eta 27an (larunbata) eta abenduaren 3an (ostirala) arratsaldeko 20:00etan Xenpelar Etxean.

Bertsolariak:

• Azaroaren 26an: Aitzol Barandiaran, Alaia Martin, Ekhi Erramundegi, Iñaki Aleman, Oier Aizpurua, Unai Gaztelumendi.
• Azaroaren 27an: Agin Rezola, Ane Labaka, Izar Mendiguren, Julio Soto, Patxi Iriart, Saioa Alkaiza.
• Abenduaren 3an: Arrate Illaro, Asier Azpiroz, Haritz Casabal, Jone Uria, Manu Goiogana, Odei Barroso.

Hau da bertsolariek kanporaketa-saioetan egin beharko duten lan puntuagarria:

1. ofizioa: 3 bertso neurri eta doinu librean

2. ofizioa: 3na bertso Iparragirre abilla dela doinuan

3. ofizioa: 4na kopla

4. kartzela: 3na bertso zortziko handian.

Kanporaketa bakoitzeko bi bertsolari puntuatuenak pasako dira finalera. Sei bertsolari horiek finala jokatuko dute abenduaren 8an (asteazkena) Errenteria Hiria Kulturgunean (Niessen) arratsaldeko 18:00etan.

Hau da finalean egin beharreko lan puntuagarria:

1. ofizioa: 3na bertso neurri eta doinu librean

2. ofizioa: 3na bertso neurri eta doinu librean

3. bakarka: 2 puntu erantzun, eta 9ko txikian hitza emanda bertso bat

4. ofizioa: puntukako ariketa (3na hasiera)

5. bakarka: 3na bertso zortziko handian.

Mozketa eta bi aurrera:

6. ofizioa: 3na bertso Mañontzi doinuan

7. kartzela: 3na bertso doinu eta neurri librean.